“ ကြုံဘူးပေါင် ဂုဏ်ထူးဆောင် အမောင်မင်းတို့ရယ် ”

အရှင်မေတ္တာစာရဘလော့မှ

ကျောင်းထိုင်ဘုန်းကြီးအလိုရှိသည်….။

တင်ပြီးသားပို့စ်ကို ဘယ်လိုအကြောင်းနဲ့မှ ပြန်မဖြုတ်သွားနိုင်ဘူး။ မီးမောင်းထိုးပြတာ။ တစ်ဘက်သတ်လုပ်နေကြတာကို စိတ်နာတယ်။နအဖ၊ မဟန၊ အတိုက်အခံ၊ ဗုဒ္ဓဘာသာ၊ ခရစ်ယာန်၊ မူစလင်၊ ဟိန္ဒူ စတဲ့သူတွေ အားလုံးဟာ တစ်ယောက်နဲ့တစ်ယောက် မမျှမတ ပြောဆိုနေကြတာပဲ။အချစ်ခံရဖို့အရေး ဘက်လိုက်စရာ ဆန္ဒမရှိ၊ လူအများအတွက် အမုန်းခံရဖို့အရေးပဲ ဆန္ဒရှိတယ်။ အားကိုးနဲ့ လုပ်နေကြတဲ့သူတွေထဲမှာ ငါမပါ။ ဒါပဲ။
ဖင်လန် နိုင်ငံ၊ နယ်သာလန် နိုင်ငံနှင့် ဒိန်းမတ် နိုင်ငံ တွင် ရောက်ရှိနေသော ဗမာလူမျိုးအချို့၏ သားသမီးများအား ၃၈ ဖြာ မင်္ဂလာ တရားတော်များ၊ ယဉ်ကျေးမှု့အလေ့အထများ၊ ဗမာစာပေ သင်ကြားပေးရန် နှင့် အခါကြီး ရက်ကြီးများတွင် ဥပုသ်သီလ ပေးရန်အတွက်တို့ ဖြစ်သည်။ လျှောက်ထားသော ရဟန်းသံဃာတော်သည်အကျင့်စာရိတ္တ ဝိနည်းသိက္ခာနှင့် အညီ ကျင့်ကြံသည့် ရဟန်းဖြစ်ရမည့်အပြင် မြန်မာနိုင်ငံတွင် လက်ရှိမတရားအုပ်ချုပ် ဖိနှိပ်နေသော စစ်အစိုးရမှ ပေးအပ်ထားသည့် ဘွဲ့ သို့မဟုတ် ဂုဏ်ထူးဆောင် ဆု တခုခုကို လက်ခံထားသော ရဟန်းမျိုးမဖြစ်ရပါ။ထို့အပြင် လိင်တူဆက်ဆံခြင်း၊ မာတုဂါမ နှင့် ဖောက်ပြားလော်လီသော စရိုက်မျိုးရှိသည့် အလဇ္ဇီသံဃာများ မျိုးမဟုတ်ရပါ။ ဖန်လန်နိုင်ငံအတွင်းနှင့် နယ်သာလန်နိုင်ငံ များ အတွင်းတွင် ပြည်တွင်း ခရီးသွားလာနိုင်သည့် ကျန်းမာရေးမျိုး ရှိရပါမည်။လစာအား စကင်ဒီနေဗီးယန်းနိုင်ငံများတွင် သာသနာရေး ဆောင်ရွက်နေသော ပုဂ္ဂိုလ်များ၏ လစာကဲ့သို့ ပေးပါမည်။ ထို့အပြင် တစ်နှစ်တွင် ခွင့် (၄) ပါတ် ရရှိပါမည်။ စိတ်ဝင်စား လျှောက်ထား လိုပါက အောက်ဖော်ပြ ဖုန်းနံပါတ်များသို့ ဆက်သွယ် လျှောက်ထား နိုင်ပါသည်။

ဖင်လန်နိုင်ငံ
ကိုသန့်ဇင်ထွန်း (+၃၅၈ ၅ဝ၅၇၂၁၆၃ဝ)
ကိုကျော်ကျော်ဌေး (+၃၅၈ ၄ဝ၉၆၁၂ဝ၉ဝ)
ကိုရွှေလှ (+၃၅၈ ၄ဝ၄၁၁၆ဝ၆၇)
ကိုငြိမ်းချမ်းအောင် (+၃၅၈ ၄၄ဝ၈၈၈ဝ၁၆)
နယ်သာလန်နိုင်ငံ
ကိုထွန်းထွန်းဦး ( +၃၁ ၂၅၁၂၇၃ဝ၈၈)
ကိုထွန်းအောင် (+၃၁ ၂ဝ၃၄ ၅၅၅၉၄)
ဒိန်းမတ်နိုင်ငံ
ကိုတေဇသူရ (+ ၄၅ ၅၃၁၅၆၄၃၉)
ကိုအောင်စိုး (+ ၄၅ ၉၆၃၅ဝဝ၉၈)
ကိုချိုငြိမ်း (+ ၄၅ ၃၁၅ဝ၉၂၅၂)

ပထမဦးဆုံး အရှင်မေတ္တာစာရရဲ့ စာပုဒ်ကို နားမလည်တာပါဘဲ။ဤအရှင် ဘယ်အကြောင်းနဲ့ ဒီပို့စ်ကို တင်သည်မသိ။အဘယ်အကြောင်းကြောင့် ဤစာပုဒ်များကို ထပ်ဖြည့်သည်မသိ။ကျွန်နိုပ်သည်ကား အရှင်မေတ္တာစာရ သည် ဘလော့ဂါဆုရှင် ၊ ဒီမိုကရေစီကို တန်ဘိုးထားသူ၊ ထေရဝါဒ ရဟန်းတော်တစ်ပါး။ ဒီလိုပဲသိထားခဲ့ပါတယ်။ဤအရှင်ရဲ့ ဘလော့သည် လည်း အဘိုးတန်စာများဖြင့် ပြည့်စုံလှ၍ လွန်စွာ ကြည်ညိုခဲ့ရပါတယ်။ အခုတော့ ဒီပို့စ်ဟာ အွန်လိုင်းပေါ်မှာ ယောက်ယက်ခတ်စရာ ဖြစ်တော့တာပါပဲ။ ဒုတိယကတော့ ထပ်ဆင့် ကြော်ငြာပေးတဲ့ မိုးသီးဇွန် ဘလော့ကိုနားမလည် တာပါပဲ။ ပြီးပြီးရောနိုင်လှတဲ့ ဒီဘလော့ကလဲ ဘလော့ဂါ ဆုရှင်ပါပဲ။ စဉ်းစားဥာဏ် ကင်းမဲ့လွန်းတဲ့ ဒင်းတို့တစ်တွေဟာ ဗုဒ္ဓဘာသာအကြောင်း ကောင်းကောင်း နားမလည်လို့ပဲလား၊ ထေရဝါဒ ရဟန်းတွေရဲ့ အကျင့်သီလနဲ့ သိက္ခာပုဒ်တွေကို တကယ်မသိလို့ပဲလား။ “ဖွ” ကြီးသက်သက်ပွဲဆူအောင် ဖွချင်လို့လား။ တတိယကတော့ ဘုန်းကြီးပင့်ချင်ကြတဲ့ အနှီပုဂ္ဂိုလ် များပါပဲ။ ကျောင်းထိုင် ဘုန်းကြီးတစ်ပါးကို နေ့ကလေးထိန်းဆရာများ ထင်နေကြသလား မသိပါဘူး။ ဘယ်အမိ ဘယ်အဖက မွေးလို့ ဘယ်အရပ်မှာကြီးပြင်းလာကြတာလဲ လို့ မေးချင်ပါတယ်။ မင်းတို့လုပ်ရပ် ကို ထေရ်ကြီးဝါကြီး ဆရာတော်ကြီးများထံမှာ ပြန်ပြီး ဝန်ချတောင်းပန်သင့် ကြောင်း၊ ဘုန်းကြီးပင့်တာနဲ့ပတ်သက်ပြီး မင်းတို့ဗဟုသုတ ရစေရန် ဘုန်းဘုန်းဘလော့ ကို သွားဖတ်ကြဖို့ လမ်းညွှန်လိုက်ပါတယ်။ဆင်းရဲနဲ့ငရဲ ကင်းအောင် နေတတ်ကြပါစေ။