ကိုရီးယားနိုင်ငံခြားအလုပ်သမားသတင်းဆောင်းပါး

“ကိုရီးယား နိုင်ငံခြားသားအလုပ်သမားအခြေအနေ လေ့လာမိသမျှ”
ပြီးခဲ့တဲ့ အပတ်က ကိုရီးယာနိုင်ငံရောက် နိုင်ငံခြားသားအလုပ်သမားများအတွက် အီး ၉ ဗီဇာ ထုတ်ပေးခြင်းကို ခေတ္တ ရပ်ဆိုင်းထားတာနဲ့ ပတ်သက်ပြီး(သတင်း) ပို့စ်လေး တင်လိုက်ပါတယ်။ဇလပ်ဆိုသူတစ်ယောက် ည(၂း၀၀)နာရီ ထိုးတဲ့အထိ အလုပ်တွေရှုတ်သွားခဲ့ကြောင်း စီဘောက်မှာ ရေးတာဖတ်လိုက်ရပါတယ်။ ကျွန်တော်လဲ ဒီသတင်းကိုဘဲ သေသေချာချာလေ့လာပြီး ချစ်ကိုကြီး(ကိုဇော်)နဲ့တိုင်ပင်လို့ (သတင်းဆောင်းပါး) ပို့စ်တစ်ပုဒ် ထပ်တင်ဖို့ စိတ်ကူး ရှိခဲ့ပါတယ်..။
၂၁-၁၂-၂၀၀၈ ရက်နေ့က အာအက်ဖ်အေ နဲ့ တွေ့ဆုံဆွေးနွေးခန်းတစ်ခုမှာ ကိုရီးယားရောက် မြန်မာနှစ်ဦး (ကိုဝိုင်း+ကိုအောင်တင်ထွန်း)( ဒီမှာကြည့်ပါ )တို့ပြောသွားတာလေးတွေက နောင်လာမဲ့ ရွှေမြန်မာ ညီအကိုများအတွက် အင်မတန် အကျိုးရှိပါတယ်။ သူတို့နှစ်ဦးနဲ့ တွေ့ဆုံအပြီးမကြာတဲ့ ရက်ပိုင်းမှာဘဲ မြန်မာပြည်က အေဂျင်စီက စရံငွေ တောင်းခံနေတဲ့ ကိစ္စ ရုပ်ချည်း ထ ကြေညာတာဟာလည်း တွေးစရာကြီးဘဲဗျနော်။

ဟုတ်ပါတယ်။ အာအက်ဖ်အေတွေ့ဆုံခန်းမှာ ကိုဝိုင်းတို့ ပြောသွားသလိုဘဲ လစာမမှန်တော့တဲ့ စက်ရုံတွေ၊ လစာလျော့ပေးတဲ့ စက်ရုံတွေ၊ နိုင်ငံသားနဲ့နိုင်ငံခြားသား တစ်လှည့်စီလုပ်ရတဲ့ စက်ရုံတွေ၊တစ်ပတ်ဆင်း တစ်ပတ်နားစက်ရုံတွေ၊ ထမင်းကျွေးထားတယ် လုံးဝ အလုပ်မရှိဘူး (ထမင်းစာရတာတောင် အားနာနေရတယ်လို့ သူငယ်ချင်းတစ်ယောက်က ပြောတယ်၊ဒီလို ကျွေးထားပေးတာတော်တော်လေး ကောင်းသေးတယ်ဆိုရမယ်)အဲဒီလိုစက်ရုံတွေ၊အလုပ်မရှိလို့ ကိုယ့်နိုင်ငံ အလည်ပြန်ကြလို့ ပြန်လွှတ်တဲ့စက်ရုံတွေ ပြောရရင်တော့ အများကြီးပါဘဲ။တရားဝင်ဗီဇာ နဲ့အလုပ်လက်မဲ့ တွေက ဘုန်းကြီးကျောင်းတွေမှာ စုပြုံနေကြသလို ဗီဇာမဲ့အလုပ်လက်မဲ့ တွေက နီးစပ်ရာ အခန်းစုငှားနေကြသူတွေ၊သူငယ်ချင်းအခန်းမှာ သွားနေကြသူတွေနဲ့လောလောဆယ်ပြဿနာကို ဖြေရှင်း နေကြတာပါ။လုံးဝဒဏ်မခံနိုင်လို့ ရွာပြန်ပြေးကြသူတွေလည်းမနဲတော့ပါဘူး။
The Korea Times သတင်းမှာဆိုထားတာက အီး ၉ဗီဇာကို ၂၀၀၈ မတ်လကနေ ၂၀၀၉ ဖေဖေါ်ဝါရီလအထိ နှစ်ပတ်လည် ခွဲတမ်းအရ အလုပ်သမားဦးေ၇ (၇၂၀၀၀) ယောက်အထိရောက်ရှိသွားတယ်လို့ဆိုပါတယ်။ နောက်ထပ်ဆက်ပြီး ဗီဇာထုတ်ပေးဖို့ရာ လက်ရှိလုပ်သားဈေးကွက် ရဲ့အခြေအနေကို စီစစ်ဦးမယ်လို့ဆိုပါတယ်။ လက်ရှိဖြစ်ပျက်နေတဲ့ ကမ္ဘာ့စီးပွားရေးပြဿနာကြောင့်ဆုံးရှုံးနေတဲ့ အလုပ်သမားဈေးကွက်နဲ့ အစိုးရ ရဲ့ကိုရီးယားလူမျိုးများကို အလုပ်အကိုင်များဖန်တီးပေးရေး ဦးစားပေးအစီအစဉ်တွေကြောင့် နိုင်ငံခြားသား အလုပ်သမားတွေအတွက် အနာဂတ်အလားအလာ ကောင်းနိုင်ဖွယ်ရာမရှိတာတော့အမှန်ဘဲလို့ ထင်မြင် သုံးသပ်မိပါတယ်။ထို့အတူ နောင်နှစ်တွေမှာလဲ အီး၉ ဗီဇာရဖို့ယှဉ်ပြိုင်မှုဟာ အလွန်ကိုခက်ခဲလာလိမ့်မယ်လို့ အလုပ်သမား ဆိုင်ရာကျွမ်းကျင်သူက ခန့်မှန်းထားကြောင်း သတင်းမှာ ဖေါ်ပြထားပါတယ်။၂၀၀၄ ခုနှစ်ကစတင်ခဲ့တဲ့ Work permit အစီအစဉ်ကို စတင်မိတ်ဆက်စဉ်ကတည်းကနေ အခုအထိ အီး၉ ဗီဇာ လျှောက်ထားသူ အရေအတွက်ကျော်လွန်မှုဟာ ပထမဦးဆုံးအကြိမ်ဖြစ်တယ်လို့ အလုပ်သမားဝန်ကြီးဌာနမှ အရာရှိ ပါ့ဗျောင်ဂီက ပြောပါတယ်။သူတို့ရဲ့ စာချုပ်များကို အသစ်ချုပ်ဆိုကြတဲ့ နိုင်ငံခြားသားအလုပ်သမားအရေအတွက် တိုးတက်လာခြင်း ဟာ ခွဲတမ်းကို စောစီးစွာ ပြည့်သွားစေတယ်လို့ သူကထောက်ပြပါတယ်။. ၀န်ကြီးဌာနအဆိုအရ ၂၀၀၆ ခုနှစ်မှာ လုပ်သားဦးရေ ၃၄၇၅၀ ယောက်ဟာ အီး၉ ဗီဇာရရှိခဲ့ကြပါတယ်။သူတို့ထဲက အများစုဟာ ဆက်လက် သက်တမ်းတိုး ခဲ့ကြတယ်သူများ ဖြစ်ပါတယ်။အီး၉ ဗီဇာ ကိုင်ဆောင်ထားသူများ သက်တမ်းထပ်တိုးကြခြင်းနှင့် ဗီဇာ အသစ် လျှောက်သူများ ပေါင်းသွားတဲ့အခါ စုစုပေါင်းဗီဇာ ထုတ်ပေးရတဲ့အရေအတွက် အများဆုံးကို ရောက်သွားရတယ်လို့ မစ္စတာ ပတ်က ပြောခဲံ့ပါတယ်။
ဒါကြောင့် နိုင်ငံခြားသားအလုပ်သမားများအပေါ် မှီနေသော လုပ်ငန်းများတွင် ဖြစ်နိုင်ခြေရှိသော လူ့စွမ်းအား ဆုတ်ယုတ်လာမှုကိုကာကွယ်ရန်အတွက် ဗီဇာဆိုင်းငံ့မှုကလိုက်ပါလာခြင်းဖြစ်ပါတယ်။ဝန်ကြီးဌာနက လိုအပ်သော ကုမ္ပဏီများသို့ အလုပ်နေရာပြောင်းရွှေ့လိုသူများကို ချထားပေးခဲ့ပါတယ်။အဲဒီအခါ အလုပ်ပြောင်းရွှေ့လိုတဲ့ နိုင်ငံခြာသား အလုပ်သမားအရေအတွက်ဟာ ဒီဇင်ဘာလတွင် (၆၇၀၇)ဦးအထိ မြင့်တက်လာခဲ့ပါတယ်။လက်ရှိစီးပွား ရေးပြဿနာကြောင့် အလတ်စားနဲ့ အသေးစား ကုမ္ပဏီများ ဒေ၀ါလီ ခံခြင်းနှင့် ရပ်နားခြင်းတို့ ဖြစ်ခဲ့ကြပါတယ်။အီး၉ ဗီဇာ ရှိသူ ၁၀ ယောက်တွင် ၉ ယောက်မှာ ကုမ္ပဏီငယ်များတွင် လုပ်ကိုင်နေကြသူများဖြစ်ပါတယ်။ ဥပဒေအရ အလုပ် ပြောင်းရွှေ့ရန် လျှောက်ထားပြီး ၂လ အတွင်း ရှာဖွေရန်ဖြစ်ပြီးသို့မဟုတ်ပါက နိုင်ငံကနေ ထွက်ခွါပေးကြရမှာ ဖြစ်ကြောင်း The Korea Times သတင်းမှာ ဖေါ်ပြထားပါတယ်။
ကျွန်တော်တို့ ရွှေနိုင်ငံကလည်း တာစူနေကြတဲ့ ရွှေညီအကိုတွေဟာ လက်ရှိဖြစ်ပေါ်နေတဲ့ ကိုရီးယားရဲ့အလုပ်သမား ဈေးကွက်အခြေအနေတွေကို စေ့ငုံ လေ့လာပြီးမှ ဆက်လုပ်ကြပါလို့ တိုက်တွန်းလိုပါတယ်။ မကြာသေးမီ ရက်က ဟန်ဂုရွာ ဘလော့မှာ ကိုဝိုင်း(မိုးညှင်း)ရဲ့ ကြားကြားသမျှ ကိုရက်ပ်စ်-မြန်မာ သတင်းများ ( ဖတ်ချင်ရင်ကလစ်လိုက်ပါ ) ထဲမှာလည်း အကျိုးတော် ဆောင်မင်းများရဲ့ သတင်းလေးကို ဖေါ်ပြထားတာ ဖတ်ကြည့်စေချင်ပါတယ်။ ကိုရီးယားရောက်နိုင်ငံခြားသား အလုပ်သမားလောကမှာ ဝေလေလေတွေ များနေတဲ့ အချိန် ရွာမှာက ဗီဇာချပေးနေပြီ တစ်လပိုင်းထွက် ရတော့မယ် ဆိုတာတွေက ကြားရပြန်တော့ တွေးလိုက်တိုင်း ရင်ခုန်စရာတွေပါဘဲ။
အခုလို အခြေအနေမျိုးမှာ ကိုရီးယားကို လာမယ်ဆိုရင်တော့ သတင်းလေးတွေကို နားထောင်ကြပါ။စဉ်းစဉ်းစားစား လုပ်ကြပါလို့ တိုက်တွန်းအကြံဥာဏ်ပေးလိုပါတယ်။ ကျွန်တော်လက်လှမ်းမီသလောက်တင်ပြလိုက်ရပါတယ်။ ကျေးဇူးတင်ပါတယ်။ဘေးဘယာဝေးကွာ ချမ်းသာကြပါစေ။
(အာအက်ဖ်အေသတင်း၊ဟန်ဂုရွာဘလော့၊ The Korea Times တို့မှစုစည်းတင်ပြပါသည်)

Summary

Rest of your post