ပွင့်သောပန်းတိုင်း မွှေးပါစေ

ဖြစ်ပုံကဒီလို…
မဂ္ဂဇင်းစာအုပ်အပ်ရန် ကျွန်တော် အိမ်က ထွက်အလာ၊ လမ်းမှာ အဲဒီ ကောင်မလေးကို တွေ့တော့ ခေါ်လိုက်တာပေါ့၊ ကိုယ့်ရုံးကဝန်ထမ်းအသစ်လေ…။ ဆေးခန်းလာတာဆိုပဲ။သွားကိုက်လို့တဲ့။ တော်တော်ခံစားနေရတယ်ထင်တယ်။ နီးစပ်ရာဆေးခန်းကိုလမ်းညွှန်လိုက်ပါတယ်။ ကောင်မလေးက ကျွန်တော်တို့ရပ်ကွက်ထဲက ဘော်ဒါဆောင်မှာ နေပြီး ရုံးတက်တာတဲ့။ သူပြောပြလို့နေတဲ့ အိမ်ကို သိလိုက်တာပါ။
အဲ…နောက်တစ်နေ့မနက် ရုံးမှာ ပွက်လောရိုက်သွားတာပဲ။

မနေ့က တွေ့တဲ့ကောင်မလေး ဆေးရုံတင်ထားရကြောင်း၊အခြေအနေမကောင်း ကြောင်း၊အုပ်ထိန်းသူ မရှိ၊ ကူညီမဲ့သူမရှိလို့ ဆေးဖိုးပိုက်ဆံကအစ အခက် တွေ့နေကြောင်း၊ဒီရုံးက ဝန်ထမ်းလို့ ဆေးရုံမှာ ပြောထားလို့ ရုံးကို အကြောင်းကြားတာ ဖြစ်ကြောင်း၊ဝန်ထမ်းတွေကလဲ တစ်ယောက် တစ်ပေါက်ဝေဖန်သံတွေနဲ့ အဲဒီနေ့မနက်က ဆူညံနေတာပေါ့။
ကျွန်တော်တို့ဌာနအကြီးအကဲကလဲ ရုံးချုပ်သွားနေ၊ကျန်တဲ့အရာရှိကလဲ မဆုံးဖြတ်ရဲ၊ခက်တာက အဲဒီကောင်မလေးက လုပ်အားပေးဝန်ထမ်း အဆင့်ပဲ ရှိသေးတာ။အလုပ်ဝင်တာမှ နှစ်ရက်သုံးရက်၊ ဘော်ဒါဆောင်က ရုံးတက်၊ ကျွန်တော်တို့ရုံးက တာဝန်ယူဖို့က ခပ်ခက်ခက်…။
ဘာကြောင့်လဲဆိုတော့…..အကြောင်းစုံကို ဆေးရုံကိုလိုက်သွားမှ သိတာလေ….။
ကောင်မလေးကသနားပါတယ်…။လူနာခန်းထဲမှာ မဟုတ်ဘူး။သီးသန့်ခန်း ထဲမှာမဟုတ်ဘူး။ အတက်အဆင်းလှေကားရဲ့ အောက် ချောင်လေးမှာ လိုက်ကာ ကာထားပြီး ပြီးစလွယ် ပစ်ထားကြတယ်..။
မေးခိုင်ရောဂါပိုး ဝင်လို့တဲ့….
အခြေအနေမကောင်းတော့ဘူးတဲ့..။
သူ့မိဘဆွေမျိုးတွေဆီ အကြောင်းကြားဖို့ ပြောတယ်..။ကျွန်တော်တို့ အားလုံး ခေါင်းမီးတောက်တော့တာပေါ့…။ ကဲ..သူ့မိဘက ဘယ်ကလဲ။ ဘယ်မှာနေတာလဲ။ဘယ်လိုဆက်သွယ်ရမလဲ။လူနာကို မေးဖို့ဆိုတာ ကလဲ မေးခိုင်နေပြီ။ လေလုံးမကွဲတော့တဲ့ အသံကို ဘယ်လို နားလည်မှာလဲ။ ကျွန်တော်တို့ အားလုံးထဲမှာ ဆေးရုံက ဆရာဝန်ကို ဝင်တွေ့ခဲ့တဲ့ စီမံရေးရာဌာနက အမရဲ့မျက်နှာဟာ အံ့သြတုန်လှုတ် မှုတွေ၊ ဝမ်းနည်းကြေကွဲမှုတွေ အပြည့်ပါပဲ၊“ဖြစ်မှဖြစ်ရတယ်… လုပ်ရက်လိုက်တာ” လို့တော့ပြောနေသံ ကြားနေရတယ်။လူကြားထဲမို့ မမေးပဲ နေလိုက်ကြတယ်။ အဲဒီအမက “လာ…သူ့အဆောင် သွားကြရအောင်” တဲ့..။
ကျွန်တော်တို့လဲ သူ့နေခဲ့တဲ့ အဆောင်ကိုရောက်တော့ အဆောင်တာဝန် ရှိသူက လမ်းထိပ်က ဆိုက်ကားသမားကို သွားခေါ်ပေးတယ်။မေးစရာရှိ တာ သူ့ကိုမေးပါတဲ့…။
“ကျွန်တော့်ဆိုက်ကားနဲ့ ဆေးခန်းသွားနေကျပါ…အပြင်သွားလဲ ကျွန်တော့်ဆိုက်ကားပဲ ခေါ်နေကျဆိုတော့ အဲဒီအစ်မလေး နဲ့ခင်နေပါပြီ။ အဲ..ဆေးရုံသွားတဲ့နေ့က အစ်မလေးက သွားအရမ်း ကိုက်တယ် လို့ပြောတယ်.. ကိုယ်ပူတယ်ဖျားတယ်..ဆေးရုံ လိုက်ပို့ပါ၊ဆေးခန်းနဲ့ မရတော့ဘူးလို့ပြောတယ်။ဆေးရုံရောက်တော့ ပြင်ပလူနာဌာနမှာ ပြပြီး ဆရာဝန်တွေ သူနာပြုတွေက သူ့ကို ဝိုင်းဆူနေကြတာ၊ကျွန်တော်က အပြင်မှာစောင့်နေတာလေ….”
“ပြီးတော့ ကျွန်တော့ဆီကို ရောက်လာတယ်။ဆေးရုံတက်ဖို့ လက်မှတ် ထိုးရမယ်တဲ့။ကျွန်တော်က သူ့ကို လိုက်ပို့တဲ့ဆိုက်ကားသမားပါ။ဘာမှ မသိပါဘူးလို့ပြောတာပေါ့။…ဒါဆို သူ့ကို ဘယ်လိုလုပ်မလဲတဲ့..။အခု အရေးပေါ်တင်ရတော့မယ်။သူ့မိဘတွေကော…ဆိုတော့အဲဒီအစ်မလေးက အဆောင်မှာနေတာပဲ သိတယ်လို့ ပြောလိုက်တယ်…”
“ဒါပေမဲ့ဗျာ…ပြောပြောဆိုဆို အစ်မလေးက ဆေးရုံကုတင်ပေါ်မှာ တင်ပဲ အဖျားတက်လာပြီး သတိမေ့သွားတယ်..။ဒါနဲ့ ကျွန်တော်လဲ ကိစ္စပြီး ပြီးရော ဆိုပြီး လက်မှတ်ထိုးပေးလိုက်တယ်…သနားလို့ပါဗျာ”
အဆောင်ပိုင်ရှင်ပြောတာက
“ကျွန်မတို့ အဆောင်ကို လာနေတာ မကြာသေးပါဘူးရှင်..။အရင်က ရန်ကုန်မှာ အဆောင်နေတယ်ပြောတယ်။ တက္ကသိုလ် ကျောင်းပြီးတော့ အမကြီးတို့ ရုံးမှာ အလုပ်ရတယ်ပြောပါတယ်။ အဖေ မရှိတော့ဘူးတဲ့။အမေကလဲ ကျန်းမာရေးမကောင်းဘူးရောဂါသည်တဲ့။ ပြီးတော့ ညီမတစ်ယောက်ရှိတယ်ဆိုပဲ။ညီမလေးကလဲ သူ့အပြောအရ သနားစရာလေးပါ…။မွေးရာပါပိုလိုယိုရောဂါသည်လေးတဲ့။ဒီခလေးမလေးပဲ အကုန်တာဝန်ယူနေရဆိုပဲ။အမကြီးတို့ရုံးမှာ အလုပ်ရတော့ သူ့ခမျာ ဝမ်းသာနေရှာတာ။ ခရမ်းမြို့ ကနေ တစ်ယောက်ထဲ လာနေတာ။ ဆွေမျိုးလဲ မရှိဘူးထင်ပါတယ်ရှင်”
မေးစရာရှိတာတွေ ပြည့်ပြည့်စုံစုံ မေးပြီး ကျွန်တော်တို့အဖွဲ့ ရုံးပြန်အလာဆေးရုံမှာ ကောင်မလေးဆုံးပြီဆိုတဲ့ သတင်း ကြားလိုက်ရပါတယ်။
ဖြစ်မှဖြစ်ရပလေကွယ်…
ကျွန်တော် ပြောချင်တာကတော့ မိန်းခလေးတွေ အုပ်ထိန်းမှုလွတ်ပြီး အပြင်လောကမှာ စီးပွားရှာကြတယ်ဆိုရာမှာ လွတ်လပ်မှုနဲ့သတိ တရား လေးကို အမြဲယှဉ်တွဲ ထားသင့်တယ် ထင်တယ်။ ငါဟာမိန်းခလေးဆိုတဲ့ အသိတရားကို မေ့ပြီး ပျော်ချင်သလိုပျော်။လွတ်ချင်သလို လွတ်နေခဲ့ရင် နောက်ဖြစ်လာမဲ့ ပြဿနာတွေဟာ ဖြေရှင်းရ ခက်သွားတတ်ပါတယ်..။ အခု ဖြစ်ရပ်ထဲက မိန်းခလေးဟာ အပြင် ဘော်ဒါဆောင်မှာနေ၊ စီးပွားရှာ၊လွတ်လွတ်လပ်လပ်နေချင်သလိုနေခဲ့၊ ချစ်သူ နဲ့ လွန်ကျူးခဲ့ပြီး တာဝန်မယူခဲ့တဲ့ ချစ်သူကြောင့် ကိုယ်ဝန် ဖျက်ချရင်း မေးခိုင်ရောဂါနဲ့ သေဆုံးခဲ့ရတာပါ။ တကယ်ဖြစ်ရပ်လေးတစ်ခုပါ။ကျွန်တော် မြန်မာပြည်မှာ ရုံးဝန်ထမ်းဘဝတုန်းက အတွေ့အကြုံလေးကို မျှဝေလိုက်တာပါ။ စိတ်နောက်ကိုယ်ပါ မလွန်ကြပါစေနဲ့…..။ပွင့်သောပန်းလေး မွှေးမှ တန်ဘိုးရှိပါတယ်…။
Summary

Rest of your post